ອັບເດດຂໍ້ມູນກ່ຽວກັບພະຍາດ COVID-19

ເຖິງບັນດາຄອບຄົວທີ່ນັບຖື,

ເນື່ອງຈາກການລະບາດຂອງພະຍາດ COVID ຍັງສືບຕໍ່ສົ່ງຜົນກະທົບຕໍ່ຊາວອົດສະຕຣາລີ, ພວກເຮົາໄດ້ປະຕິບັດຕາມທິດຊີ້ນໍາຂອງລັດຖະບານທີ່ວາງອອກ, ເຊິ່ງມີມາດຕການໃນລະດັບສູງສຸດ ເພື່ອຮັບປະກັນວ່າພວກເຮົາສະໜອງສະພາບແວດລ້ອມທີ່ປອດໄພຈາກພະຍາດ COVID.

ເຖິງແມ່ນວ່າງານງານຊາປະນະກິດສົບໃນປັດຈຸບັນມີພຽງການຈໍາກັດພຽງບາງສ່ວນ, ແຕ່ວ່າກໍ່ຄືກັບກິດຈະກຳອື່ນໆ, ໃນກໍລະນີພະນັກງານຫາກສົງໄສເປັນຜູ້ສໍາຜັດໃກ້ສິດກັບຜູ້ຕິດພະຍາດແລ້ວແມ່ນຕ້ອງໄດ້ກວດຫາເຊື້ອພະຍາດ COVID, ເຊິ່ງເຮັດໃຫ້ພວກເຮົາໄດ້ຮັບຜົນກະທົບເປັນໄລຍະເວລາຊ່ວງໜຶ່ງ. ໄປພ້ອມກັບສະພາບການເພີ່ມຂຶ້ນຂອງຄົນຕິດເຊື້ອພະຍາດ COVID ກໍ່ໝາຍຄວາມວ່າຈໍານວນຄົນທີ່ຕ້ອງກວດຫາເຊື້ອເພີ່ມຂຶ້ນ.

ຖ້າຫາກວ່າທ່ານ ຫຼື ຄົນໃນຄອບຄົວຂອງທ່ານກໍາລັງກັກຕົວ ຫຼື ມີອາການຂອງ COVID-19, ພວກເຮົາຂໍຮຽກຮ້ອງໃຫ້ທ່ານສືບຕໍ່ດໍາເນີນການກັກຕົວ, ຮັບປະກັບຄວາມປອດໄພໃຫ້ກັບບຸກຄົນອື່ນ. ພວກເຮົາຂໍຮຽກຮ້ອງມາຍັງທ່ານບໍ່ໃຫ້ເຂົ້າຮ່ວມງານງານຊາປະນະກິດສົບ, ກະລຸນາຢ່າເຂົ້າຮ່ວມງານຊາປະນະກິດສົບ, ຍ້ຽມຍາມ, ເກັບກະດູກ ແລະ ກິດຈະກໍາອື່ນໆທີ່ໃກ້ຊິດກັບບຸກຄົນອື່ນ.

ຜູ້ຈັດການງານຊາປະນະກິດສົບພວກເຮົາຈະປຶກສາຫາລືກັບທ່ານ ເພື່ອຊອກຫາວິທີທາງເລືອກອື່່ນໆ, ສາມາດຕອບສະໜອງກັບຄວາມຕ້ອງການຂອງທ່ານ.

ພວກເຮົາຈະພະຍາຍາມສຸດຄວາມສາມາດ ເພື່ອຮັບປະກັບວ່າງານຊາປະນະກິດສົບທີ່ພວກເຮົາບໍລິການນັ້ນຈະບໍ່ໄດ້ຮັບຜົນກະທົບ, ຖ້າຫາກວ່າທີມງານພວກເຮົາຈໍາເປັນຕ້ອງໄດ້ປັບປຸງໃນໄລຍະເວລາສັ້ນ, ຂໍໃຫ້ທ່ານກະລຸນາເຂົ້າໃຈພວກເຮົາດ້ວຍ.

ທີມງານຂອງພວກເຮົາກໍາລັງຊອກຫາວິທີເພື່ອດູແລທ່ານ ແລະ ຄົນໃນຄອບຄົວທ່ານໃນລະດັບສູງພາຍໃຕ້ສະພາບທີ່ມີຄວາມທ້າຍທາຍຫຼາຍ.

ທີມງານຜູ້ຈັດການງານຊາປະນະກິດສົບສັງວາສາກົນ