ស្ថានភាពថ្មីៗនៃជំងឺកូវីដ-១៩
ជូនចំពោះក្រុមគ្រួសារជាទីគោរព៖
ដោយសារឥទ្ធិពលដែលកំពុងបន្តនៃជំងឺរាតត្បាតកូវីដ-១៩ នៅទូទាំងប្រទេសអូស្ត្រាលី យើងកំពុងប្រកាន់ខ្ជាប់នូវការណែនាំទាំងអស់របស់រដ្ឋាភិបាល និងអនុវត្តការរឹតបន្តឹងក្នុងកម្រិតខ្ពស់បំផុតដើម្បីរក្សាសុវត្ថិភាពដល់បរិស្ថាន។
ថ្វីត្បិតតែសេវាពិធីបុណ្យសពនាពេលបច្ចុប្បន្នរងនូវផលប៉ះពាល់ដ៏តិចតួចក្តី ប៉ុន្តែអាជីវកម្មជាច្រើនរបស់យើងនឹងរងផលប៉ះពាល់ក្នុងរយៈពេលខ្លី ប្រសិនបើនិយោជិតរបស់យើងត្រូវបានចាត់ចូលជាបុគ្គលដែលមានទំនាក់ទំនងជិតស្និទ្ធជាមួយអ្នកជំងឺកូវីដ ហើយចាំបាច់ត្រូវធ្វើតេស្តរកមេរោគកូវីដ-១៩។ ដោយសារករណីកូវីដ-១៩ នៅតែបន្តកើនឡើង ដូច្នេះចំនួនអ្នកដែលត្រូវធ្វើតេស្តក៏កើនឡើងដូចគ្នាដែរ។
ប្រសិនបើអ្នក និងក្រុមគ្រួសាររបស់អ្នកកំពុងធ្វើចត្តាឡីស័ក ឬមានរោគសញ្ញាណាមួយនៃជំងឺកូវីដ-១៩ សូមអ្នកបន្តធ្វើចត្តាឡីស័កផង ដើម្បីរក្សាសុវត្ថិភាពដល់អ្នកដទៃ។ យើងខ្ញុំសូមស្នើកុំឲ្យអ្នកចូលរួមពិធីបុណ្យសពណាមួយ ឬរៀបចំការធ្វើដំណើរ ការទៅសួរសុខទុក្ខ ការប្រមូលធាតុ ឬសកម្មភាពផ្សេងទៀតដែលតម្រូវឲ្យមានការប៉ះពាល់ដោយផ្ទាល់នៅសាលពិធីបុណ្យសព។
យើងខ្ញុំនឹងធ្វើការរួមគ្នាជាមួយអ្នក ដើម្បីបំពេញតម្រូវការរបស់អ្នកតាមវិធីផ្សេងទៀត។
យើងនឹងប្រឹងប្រែងឲ្យអស់ពីសមត្ថភាពដើម្បីធានាថាសេវាបុណ្យសពរបស់យើងមិនរងផលប៉ះពាល់ ប៉ុន្តែប្រសិនបើក្រុមការងារត្រូវធ្វើការកែតម្រូវបណ្តោះអាសន្នក្នុងពេលណាមួយ ក៏សង្ឃឹមថាអ្នកនឹងយោគយល់។
ក្រុមការងាររបស់យើងប្តេជ្ញាផ្តល់ជូនអ្នក និងគ្រួសាររបស់អ្នកនូវការថែទាំកម្រិតខ្ពស់បំផុតក្នុងអំឡុងពេលដ៏សំខាន់នេះ។
ក្រុមការងារសាលពិធីបុណ្យសពសាកលចុងវ៉ា